Oral qalalyq kórme zalynda jergilikti jas fotograf Meıirbek Tájquranovtyń «Mekenim – Qazaqstan» atty fotokórmesi ashyldy. Bul talantty fotosheberdiń ekinshi kórmesi. Meıirbektiń týyndylary tuńǵysh ret kórermen nazaryna 2018 jyly dál osy kórme zalynda usynylǵan bolatyn.
Meıirbek oqýshy kezinen-aq fotoónermen shuǵyldanady. TMD elderi jastary arasynda ótetin Delfıı oıyndaryna «fotografııa» janry boıynsha qatysyp, úsh jyl qatarynan júldeger bolǵan Meıirbek Tájquranov fotony óner retinde baǵalaıdy. Qazaq fotoóneri tarıhyna da qyzyǵyp, Sháńgereı Bókeev shyǵarmashylyǵyn zerttep, nasıhattap júrgeni taǵy bar.
Meıirbektiń talǵamy bıik, qabileti kúshti. Keı zamandastary fotoapparat asynyp, toı-tomalaqtyń aınalasynan shyǵa almaı júrgende, bul týǵan jerdiń tabıǵaty men tarıhı-mədenı oryndaryn aralap, solardy hattaýmen shuǵyldanyp júr, - deıdi oraldyq belgili fotograf, Qazaqstan Jýrnalıster odaǵynyń múshesi Rafhat Halelov.
Shynynda da Meıirbek elimizdegi áriptesterimen birge túrli blog-týrlarǵa qatysyp, issaparǵa jıi shyǵady. Elimizdiń qaıtalanbas tabıǵatyn, jáı adam kúndelikti baıqaı bermeıtin tylsym tabıǵat kórinisterin Meıirbek qalt jibermeıdi.
О́tken jyldyń sońynda Batys Qazaqstan oblystyq Ishki saıasat basqarmasynyń qoldaýymen, «Bolashaq» qaýymdastyǵynyń uıymdastyrýymen 4 kúnge sozylǵan úlken blog týrǵa qatysyp, Aq Jaıyq ólkesiniń tarıhı hám kıeli jerlerin aralap shyqqan bolatyn. «Mekenim - Qazaqstan!» fotokórmesine de osyndaı saparlardan túsirilgen tyń dúnıeler qoıylǵan.
Fotokórme Oral kórme zalynda bıylǵy 3 naýryzǵa deıin turady.
Batys Qazaqstan