Túrkistan oblysy klımatynyń jaılylyǵy men topyraǵynyń qunarlyǵyn eerttep-zerdelegen Izraıl eliniń ǵalymdary jylyna birneshe ret ónim jınaý ádisine asa qyzyǵýshylyq tanytýda. Izraıl memleketiniń jalpy aýmaǵy Túrkistan oblysynyń 6/1 bóligin quraıdy eken. Soǵan qaramastan, jylyna 1 mlrd AQSh dollarynyń aýyl sharýashylyǵy ónimderin óndiredi.
Birneshe ret ónim alý tásili arqyly 1 gektar jerden jylyna 6-7 mln teńgege deıin tabys tabýǵa bolady. Túrkistan oblysynda ótken jyly qolǵa alynǵan bul ádisti ári qaraı damytý maqsatynda ár aýyldyq okrýgte keminde 10 jobadan iske asyrý kózdelip otyr. Qazirdiń ózinde óńirde 600-den astam sharýa qojalyǵy birinshi ónim eginine kirisken. Bul týraly Keles aýdanynda ótken «Bir alqaptan jylyna 2-3 ónim alý – kókónis sharýashylyǵyn damytýdyń negizi» atty semınar-keńeste aıtyldy. Jıynǵa oblys ákimi О́mirzaq Shókeev, Izraıl – Qazaqstan saýda-ónerkásip palatasynyń tóraǵasy Mıhaıl Roege, ǵalymdar, aýdan, qala, aýyl okrýgteri ákimderi, agroqurylym basshylary men kásipkerler qatysty. «Elbasy Nursultan Nazarbaev, Memleket basshysy Qasym-Jomart Kemeluly Qazaqstannyń agroónerkásip kesheniniń aldyna saladaǵy eńbek ónimdiligi men qaıta óńdelgen aýyl sharýashylyǵy ónimderiniń eksportyn 5 jylda 2,5 esege arttyrý mindetin qoıdy. Osy oraıda, Túrkistan oblysynyń tabıǵı-klımattyq jaǵdaıyn, múmkindigin eskere otyryp, 2019 jyly «Bir alqaptan jylyna 2-3 ónim alý» jobasyn qolǵa alǵan bolatynbyz. Nátıjesinde, 3 mlrd teńgege 107 joba iske asyp, 39 mlrd teńge bolatyn aýyl sharýashylyǵy ónimderi óndirildi. Qosymsha 364 jumys orny ashyldy», – dedi jıyn barysynda oblys ákimi О́mirzaq Shókeev.
О́ńirde jańbyrlatyp, tamshylatyp sýǵarý tehnologııasyn endirý shyǵynyna tólenetin sýbsııa kólemin 400 myń teńgege deıin ulǵaıtý kózdelip otyr. Barlyq tyńaıtqyshtar, gerbısıdter túrleriniń 50 paıyzyn sýbsıdııalaý bastalǵan. Buǵan bıyl alǵash ret pestısıdter, ınsektısıdter de qosyldy. Semınar-keńes barysynda aýyl sharýashylyǵy taýar óndirýshilerine tyńaıtqyshtar, gerbısıdter jáne aýyl sharýashylyǵy tehnıkalaryn jetkizýshiler ónimderi tanystyryldy.
Túrkistan oblysy