Esten tandyrar esirtkini satyp, kól-kósir paıdaǵa kenelmek bolǵan jergilikti turǵyn quqyq qorǵaý organdarynyń quryǵyna ilindi. Oblystyq polısııa departamenti ekstremızmge qarsy kúres basqarmasynyń qyzmetkerleri UQK departamentimen birge ótkizgen jedel-izdestirý operasııasy kezinde sıntetıkalyq esirtkini ótkizbek bolǵan 32 jastaǵy azamat ustalyp qaldy.
– Kúdiktini tekserý kezinde onyń teris dinı aǵymnyń ókili ekeni anyqtaldy. Odan sıntetıkalyq esirtki zattary, tyıym salynǵan dinı ádebıetter, qoldan jasalatyn jarylǵysh zattardy daıyndaýǵa qajetti komponentter tárkilendi, -dep habarlady oblystyq polısııa departamentiniń baspasóz qyzmeti.
Qazir kúdiktige qatysty QR Qylmystyq Kodekstiń 297-baby jáne 256, 174-baptarymen sotqa deıingi tergep-tekserý bastaldy. Teris dinı aǵymnyń ókili qamaýǵa alyndy.