Bul týraly Ortalyq kommýnıkasııalar qyzmetiniń alańynda ótken halyq aldyndaǵy esep berý kezdesýinde Aqparat jáne qoǵamdyq damý mınıstri Aıda Balaeva málim etti, - dep habarlaıdy Egemen.kz.
"2020 jyly memlekettik áleýmettik tapsyrys aıasynda memlekettik organdar jalpy 18 mlrd teńgege 2 myńnan astam áleýmettik jobany júzege asyrýdy josparlap otyr. ÚEU belsendi qatysýymen azamattyq qoǵamdy 2025 jylǵa deıin damytý tujyrymdamasynyń jobasy ázirlendi. Ol eriktilikti, qaıyrymdylyqty, medıasııany, jergilikti ózin-ózi basqarýdy, Memlekettik áleýmettik tapsyrysty jáne Azamattyq baqylaý tetikterin damytý bóliginde normatıvtik bazany ózgertýdi kózdeıdi", - dedi Aıda Balaeva.