"Meni bul laýazymǵa taǵaıyndaǵanda quttyqtaýshylar kóp boldy, al ketken kezde qoldaýshylardyń odan da kóp ekenin kórip, tań qalyp otyrmyn. Telefon soǵyp, habarlama jazyp basymyzdan keshken oqıǵalardy esime saldyńyz, óte rızamyn. Keıbirińizben memlekettik múddelerdi qorǵaýda birge jumys istesek, endi birińizben jańa jobalardy birlese júzege asyrdyq, taǵy birińiz qyzyqty sheshimderińizben bólistińiz. Áriptester, dostar, "sıfrlyq komıssarlar", pikir bildirýshiler, azamattar, meniń sońǵy jyldary aınalysqanym – bul bizdiń birlese atqarǵan jumysymyz.
Bárimiz nátıjeli jumys istedik dep oılaımyn. Onyń bárin tizbektep aıtpaı-aq, ózderińiz de bilesizder. Qazir qyzmetkerler týraly aıtqym kelip otyr. Men mınıstrlik ujymynyń, vedomstvolyq baǵynysty uıym qyzmetkerleriniń árbir qyzmetti sıfrlaý úshin, árbir ıntegrasııa úshin jáne olardyń qazaqstandyqtardyń ómirin jeńildetýdegi mańyzy men qajettiligin dáleldeýge kúsh salǵanyn, bar ynta-jigerimen jumys istegenine kýá boldym. Sizderge basymdy ıip, zor alǵysymdy bildiremin.
Osy FB-da múmkindiginshe ashyq bolýǵa tyrystym, josparlarymyzben bólisip, nátıjelerimiz týraly jazdym. Bul kópshilik úshin paıdaly boldy dep úmittenemin. Dos bolǵanyńyz úshin, birqatar máseleni sheshýge kómektesken pikirlerińiz úshin, ıdeıalaryńyz úshin kóp rahmet. "Sıfrlyq komıssarlar" – bizdiń táýelsiz sarapshylarymyzǵa alǵysym sheksiz, qoǵam belsendileri men ÚEU basshylaryna, blogerlerge turaqty fıdbek úshin kóp rahmet, halyqty bizdiń jumysymyzdan únemi habardar etip otyrǵan jýrnalıster qaýymyna jáne bizdiń bastamalarymyzǵa qoldaý bildirgeni úshin depýttarǵa zor alǵys.
Bastamalary men Qazaqstandy sıfrlandyrý úderisterin únemi qoldaǵany úshin Elbasyǵa, Prezıdentke jáne sizderdiń árqaısyńyzǵa sońǵy jyldary maǵan artqan senim men kórsetken qoldaýlaryńyz úshin alǵysymdy bildiremin. Mýsın Bagdat sáttilik tileımin, sala senimdi qolda! Jańa maqsattardy aıqyndap, iske qaıta kirisemin", - dep jazdy Asqar Jumaǵalıev.