Búginde óńirdegi karantın talaptarynyń qanshalyqty saqtalyp otyrǵanyn anyqtaý maqsatynda Taraz qalalyq ákimdiginiń, polısııa jáne Jambyl oblysy boıynsha taýarlar men kórsetiletin qyzmetterdiń sapasy men qaýipsizdigin baqylaý departamentiniń ókilderinen quralǵan monıtorıngtik top oblys ortalyǵynda kezekti reıd jumysyn júrgizgen, - dep habarlaıdy Egemen.kz
Nátıjesinde Taraz qalasynda túngi ýaqytta saýda jasaǵan jáne sanıtarlyq talaptardy saqtamaǵan birqatar nysandar anyqtalǵan. Qazirgi kezde olarǵa tıisti shara qoldanylýda.
Taraz qalalyq ákimdiginiń málimetinshe, karantın talaptaryn elemeı, tún mezgiline deıin saýda jasaıtyn azyq-túlik dúkenderi áli bar bolyp shyqty. Olardyń keıbirine birneshe ret eskertý de jasalǵan. Máselen, mobıldik top Taraz qalasyndaǵy Áıtıev, Abaı, Súleımenov, Nıetqalıev kóshelerinde baqylaý júrgizgen. Biraq atalǵan aýmaqta karantın talabyn buzǵan nysan anyqtalmaǵan.
Alaıda, qaladaǵy Táýke han dańǵylyndaǵy birneshe saýda núktesi tún aýǵan ýaqytqa deıin jumystaryn jalǵastyra bergen. Aıtalyq, "Alataý" saýda-sattyq kesheni men "Nur" shaǵyn marketi karantın talaptaryn saqtamaǵan bolyp shyqty. Tipti, atalǵan shaǵyn market qyzmetkeriniń tekserýshi topty kórgen sátte ishte turǵan kelýshilerdi syrtqa shyǵarmastan dúken esigin ishten kilttep alǵany anyqtalǵan.
Sondaı-aq, karantın talaptaryna pysqyrmaǵan dámhana men jyldam as daıyndaıtyn núkteler de belgili boldy. Jeltoqsan kóshesinde ornalasqan "Makı Makı" sýshı daıyndaý orny talapty saqtamaǵan. Mundaǵy jumysshylardyń sanıtarlyq talaptardy saqtamaǵany óz aldyna, olardyń as ázirlegeni jáne túngi ýaqytta jumys istegeni anyqtaldy. Qalalyq ákimdiktiń málimetinshe, atalǵan zań buzýshylyqtardy eskere otyryp, nysanǵa qatysty tıisti shara qabyldanǵan.
Jalpy, reıd jumystarynyń qorytyndysy boıynsha birqatar nysan ıelerine eskertý jasalyp, karantın talaptaryn qaıtalap buzǵandarǵa aıyppul salynýda. Sonymen qatar, qalada ornalasqan basseınderge de tekserý jumystary júrgizilgen bolatyn. Alaıda, Taraz qalasyndaǵy shomylý oryndarnyń eshqaısysynyń jumys istemeı turǵany anyqtalǵan.
Jambyl oblysy