Maqtaaral aýdanynda sý tasqynynan zardap shekken eldi mekenderden jalpy 931 bas túrli aýylsharýashylyǵy janýarlarynyń ólekseleri shyǵarylǵan bolatyn. О́lekseler arnaıy ınsenerator apparaty arqyly tolyǵymen joıylyp, eldi mekenderde birneshe ret dezınfeksııa jumystary jasalǵan.
Mal ólekselerin joıý maqsatynda oblystyq aýyl sharýashylyǵy basqarmasy, Maqtaaral aýdandyq aýmaqtyq ınspeksııasy jáne aýdandyq "Veterınarııalyq qyzmeti" KMM-niń ókilderinen arnaıy komıssııa qurylyp, der kezinde áreket etti. Jumys barysynda mal ólekseleriniń kópshiligi О́zbekstannan aǵyp kelgeni belgili bolǵan edi.
931 mal ólekseleriniń ishinde iri qara 40, usaq maldar 876, jylqy 9, túıe 6 basqa jetken. Osy joıylǵan maldardyń ishinde sý basqan eldi mekenderde turatyn 22 azamatqa tıesili 144 bas janýarlary anyqtalyp, arnaıy belgilengen ótemaqylar "Túrkistan" korporatıvtik áleýmettik qory arqyly aýdarylǵan.
Aıta keteıik, túıege 300 myń teńgeden bastap 1,5mıllıon teńgege deıin, jylqyǵa 160 myńnan 380 myń teńgege, sıyrǵa 110 myń teńgeden bastap 220 myń teńgege, usaq malǵa 25 myńnan bastap 45 myń teńgege deıin, al úı qusyna 2000 teńgege deıin ótemaqylar tólengen.