Búgingi tańda qalada 2800-ge jýyq jeke turǵyn úıler gazben jabdyqtaý júıesine qosylmaǵan, - dep habarlaıdy Egemen.kz.
Osy jyldyń basynda Almaty ákimi Baqytjan Saǵyntaevpen úılerdi gazben jabdyqtaý úshin ekinshi deńgeıli bankter arqyly nesıe berý múmkindigin qarastyrý týraly tapsyrma berdi. Ákimdiktiń bul bastamasyn Halyq banki qoldady. Osy jyldyń basynda Almaty ákimi Baqytjan Saǵyntaevpen úılerdi gazben jabdyqtaý úshin ekinshi deńgeıli bankter arqyly nesıe berý múmkindigin qarastyrý týraly tapsyrma berdi. Ákimdiktiń bul bastamasyn Halyq banki qoldady.
Osyǵan baılanysty Halyq bankimen birlesken jumys bastaldy. Almaty qalasy turǵyndaryna gazdy qosý úshin paıyzsyz nesıe berý týraly kelisim jasaldy.
"Halyq Banktiń Bas keńsesi ekologııalyq jaǵdaıdy jaqsartýǵa múddeli. Qala ákimi B. Saǵyntaevtyń aqpan aıynda turǵyndarmen ótkizgen eseptik kezdesýinen keıin biz bul jobany qoldaýǵa daıyn ekenimizdi málimdedik", - dedi Halyq bank Almaty oblystyq fılıalynyń dırektory Tasbıke Kýdıkova, - Koronavırýs ınfeksııasy jáne odan keıingi karantınniń bolýy jumysty belgilengen merziminde tapsyrý jaǵynan birqatar ózgerister bolǵanyna qaramastan, biz qala basshylyǵymen birlesip, jobany jalǵastyrdyq. Búgin jobany halyqqa tanystyryp, onyń aýqymy keń ekendigin atap ótkim keledi: ÁJAQT sanatyna jatatyn azamattar, sońǵy jylytý maýsymyna deıin ekologııalyq taza emes maıdy qoldanǵan. Olar qalanyń aýa basseıininiń tazalyǵyna teris áser etetinin bárimizge málim. Halyq banki qala ákimdigi bergen tizimdegi úılerge gazdy tegin, qaıyrymdylyq kómek retinde qosyp beredi, al basqa úılerge óte tıimdi sharttary bar jeńildetilgen nesıeler qarastyrylǵan. Bul bizdiń Almatynyń aýasyn jaqsartýǵa qosqan úlesimiz bolady".
Sonymen qatar ákimdik ótken jyldyń tamyz aıynda gazben jabdyqtaý júıesine qosylýy qajet, áleýmettik jaǵynan az qamtylǵan halyqtyń 210 mekenjaıyn anyqtady. 210 mekenjaıdyń 148-i gazǵa qosylǵan, al qalǵan 62-i qosylmaǵan.
Aýdandyq ákimdikter qosymsha 30 ÁJAQT (áleýmettik jaǵynan az qamtylǵan turǵyndar) mekenjaıyn anyqtady, nátıjesinde Halyq bankine 92 mekenjaıdyń tizimi (Alataý - 40, Bostandyq - 6, Naýryzbaı - 46) berildi.
Halyq banki tabysy az azamattarǵa qoldaý kórsetý jáne qalanyń ekologııalyq jaǵdaıyn jaqsartý maqsatynda ÁJAQT sanatyna kiretin azamattardyń úılerine tegin gaz qosyp berýdi usynady. Jumystyń smetalyq quny - 60 mln teńgeni quraıdy.
Nesıe alý úshin azamattar kelesi kezeńderdi ótýi kerek:
- qajetti qujattar tizimi jaıly keńesý úshin aýdan ákimdikterimen baılanysý;
- eger qujattar tolyq bolsa, onda gaz qosýdyń tehnıkalyq sharttaryn alý jáne jetkizýshilermen kelisim jasaý;
- nesıe alý týraly kelisimmen Halyq bankiniń fılıaldaryna júginý.Nesıelerdi banktiń myna fılıalynda alýǵa bolady: Túrksib aýdany, Kýngýrskaıa kóshesi, 2 úı, Halyq banki, 131832 fılıaly;Áýezov aýdany, «Jetisý-4» yqshamaýdany, 13 «A» úı, Halyq banki, SPS 30.
Arnaıy ázirlengen baǵdarlamaǵa sáıkes halyqty 0% mólsherinde nesıe alý úshin (Almaty qalasy ákimdiginiń tizimine sáıkes jeke aýdandy gazdandyrý) kelesi sharttardy usynady:
- syıaqy mólsherlemesi - 0%;
- nesıeni rásimdegeni úshin komıssııa - 0,1%;
- nesıe merzimi - 18 aı;
- bir adamǵa beriletin aqsha 309 000 teńge (budan kóp emes).