QR Premer-Mınıstri Asqar Mamınniń tóraǵalyǵymen ótken Úkimettiń selektorlyq otyrysynda epıdemııaǵa qarsy is-sharalardy iske asyrý barysy qaraldy, - dep habarlaıdy Egemen.kz
Densaýlyq saqtaý mınıstri A. Soı 10 kún ishinde Qazaqstanda koronavırýs ınfeksııasynyń reprodýktıvtiliginiń ortasha kórsetkishi 0,92-den 0,82-ge deıin tómendegenin baıandady. Saýyǵyp shyqqan adamdardyń úlesi 73,6%-dy quraıdy, qalǵandary qajetti em alyp jatyr. Tósek oryndarynyń júktemesi 61%-ǵa, jedel járdem shaqyrý kólemi 62%-ǵa (3 232-den 1 232-ge deıin) tómendedi.
"Jalpy alǵanda, elimizdegi sanıtarlyq-epıdemıologııalyq jaǵdaı turaqty. Nátıjeler qabyldanǵan sharalardyń tıimdiligin kórsetip jatyr", — dep A. Mamın, Densaýlyq saqtaý mınıstrligine qalyptasqan epıdemıologııalyq jaǵdaıdy eskere otyryp, Karantın sharalaryn kezeń-kezeńimen alyp tastaý josparyn Memlekettik komıssııanyń qaraýyna engizýdi tapsyrdy.