Belarýstegi narazylyqtar barysynda ustalǵandar tergeý ızolıatorlarynan jappaı bosatyla bastady. Bul týraly Habar 24-ke silteme jasaı otyryp Egemen.kz habarlaıdy.
Jergilikti BAQ-tyń aqparaty boıynsha, qamaýda bolǵandar ızolıatorda ózderin uryp-soǵyp, azaptaǵandaryn aıtyp, shaǵymdanyp jatyr. Ishki ister mınıstrliginiń resmı málimeti boıynsha, kúshtik qurylymdar men sherýshiler arasyndaǵy qaqtyǵystar barysynda 6 myńnan astam adam ustaldy. Eldiń ishki ister mınıstri olardyń arasynda kezdeısoq adamdardyń da bolǵanyn moıyndap otyr.
Mınıstr jergilikti telearnaǵa bergen suhbatynda olardan keshirim surady. Iýrıı Karaev, Belarýs Respýblıkasynyń ishki ister mınıstri: – Kez kelgen jappaı tóbeles kezinde, toptyq nemese jappaı qoǵamdyq tártipti buzýdyń jolyn kesý kezinde tártip saqshylary buǵan arnaıy barǵandar men jaqyn júrgen adamdarǵa qarsy turady. Sol ýaqytta qashyp úlgermegender bolady. Mine, osy zorlyq-zombylyqqa tap bolǵan adamdar úshin men komandır retinde osy jaýapkershilikti óz moınyma alǵym keledi. Jáne bul adamdar aldynda keshirim suraımyn, – deıdi ol.