Osy jyly eldegi syrtqy saýdadaǵy taýar aınalymy 42,5 mlrd dollardy qurady. О́tken jylmen salystyrǵanda bul kórsetkish 7 paıyzǵa tómendedi. Bul týraly Saýda jáne ıntegrasııa mınıstri Baqyt Sultanov halyqqa esep berý kezdesýinde málimdedi, dep habarlaıdy Egemen.kz
"Eýrazııalyq ekonomıkalyq odaq sheńberinde de saýdalasý kólemi 10 prosentke tústi. Osy oraıda kásipkerlerge jańa naryqtarǵa shyǵý úshin qoldaý kórsetiledi. Máselen, jaqynda 40 azyq-túlik óndirýshisi Qytaı eline óz ónimderin jiberedi. Sultanov 2025 jylǵa deıin taǵy 600 kásiporyn osy tizimge enedi", dep atap ótti B.Sultanov.
Baqyt Sultanovtyń aıtýynsha, vedomstvo ónimderdi sertıfıkattaý júıesin engizdi. Nátıjesinde, otandyq eksporttaýshylar taýardyń Qazaqstanda jasalǵanyn jarty jylda bir ret rastasa jetkilikti bolady. Mınıstrlik eksporttyq qarjylandyrý boıynsha prosenttik mólsherlemeni sýbsıdııalaýdy qolǵa aldy. Mundaı sheshim quny 300 mıllıard teńgeni quraıtyn ónimdi jetkizýge múmkindik beretinin málimdedi.
"Saýdasyn elektrondy formatta júrgizetin bıznesmender de nazardan tys qalmaıdy. Keıbir kompanııa tabys salyǵynan bosatylmaq. Sonymen qatar qazir bankaralyq aýdarymdardyń komıssııasyn tómendetý máselesi qarastyrylyp jatyr. Aıta keteıik, qazir elde 13 otandyq sıfrlyq saýda alańy bar. Jyl sońyna deıin elektrondy saýda kólemi 900 mıllıard teńgeni quraıdy. Al 2022 jyly bul kórsetkish 2 trıllıonǵa deıin artýy tıis. 4 jyldan keıin saýdalasýdyń bul túri jalpy naryqtyń 15 prosentin qamtıdy degen boljam bar", deıdi Saýda jáne ıntegrasııa mınıstri B.Sultanov.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.