Premer-Mınıstr Asqar Mamın "Roskosmos" ǵarysh qyzmeti jónindegi memlekettik korporasııasynyń bas dırektory D. Rogozınmen kezdesý ótkizdi, - dep habarlaıdy Premer-Mınıstrdiń baspasóz qyzmetine silteme jasap.
Eki tarap ǵarysh salasyndaǵy Qazaqstan – Reseı yntymaqtastyǵynyń ózekti máselelerin, onyń ishinde "Baıqońyr" ǵarysh aılaǵyn odan ári damytý men Jerdi qashyqtan zondtaý salasyndaǵy ózara is-qımyldy talqylady.
"Báıterek" birlesken ǵarysh zymyran keshenin ("Nazarbaev starty") qurý jobasyna jáne BAÁ-men birlesken, "Gagarın startyn" jańǵyrtýdyń úshjaqty jobasyna erekshe nazar aýdaryldy.
Kezdesýge Sıfrlyq damý, ınnovasııalar jáne aeroǵarysh ónerkásibi mınıstriniń mindetin atqarýshy B. Mýsın qatysty.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.