Turmysy tómen otbasydan shyqqan oqýshylardy kompıýtermen qamtamasyz etý úshin 6 mlrd teńge bólindi. Bul týraly elorda ákimdiginiń baspasóz qyzmetine silteme jasaı otyryp Egemen.kz habarlaıdy.
Elordalyq az qamtylǵan otbasydan shyqqan oqýshylardy qashyqtan oqytý kezinde kompıýterlermen jáne roýterlermen qamtamasyz etý úshin 6 mlrd teńge bólindi. Bul halyqtyń áleýmettik osal toptarynyń barlyq balalaryn qamtýǵa múmkindik beredi. Iаǵnı, qamtylýy 34,5 myń balaǵa deıin jetedi.
"Elordalyq barlyq bilim berý uıymdarynda jańa oqý jyly qashyqtan bastalady. Ata-analardyń ótinishi boıynsha 1-4 synyp oqýshylary úshin "kezekshi synyptardyń" jumys isteýin josparlap otyrmyz. Bul rette barlyq sanıtarlyq sharalar qatań saqtalady. Pedagogterdiń 30%-ǵa jýyǵy shtattyq rejımde, onyń ishinde kezekshi toptarda sabaq berý úshin jumysqa shyǵady.
Halyqtyń áleýmettik osal toptarynan shyqqan balalardy qyrkúıekte kompıýterlermen jáne roýterlermen qamtamasyz etemiz. Osy maqsatta 6 mlrd teńge bólinedi. Budan basqa, birqatar áleýmettik sharalar qolǵa alyndy. Atap aıtsaq, jalpyǵa mindetti oqý qory sheńberinde árbir oqýshyǵa mektep quraldaryn satyp alýǵa 40 myń teńgeden bólemiz, 7 myń bala "Mektepke jol" aksııasymen qamtylady jáne t. b.
Sondaı-aq, balabaqshalardaǵy "kezekshi toptardyń" jumysyn jalǵastyrýdy josparlap otyrmyz", dedi elorda ákimi Altaı Kólginov.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.