Búgin Ekologııa, geologııa jáne tabıǵı resýrstar mınıstri Maǵzum Myrzaǵalıev óziniń Twitter-inde qazaqstandyq tabıǵat qorǵaýshylarynyń usynysyn qarastyratynyn málimdedi, dep habarlaıdy Egemen.kz
"Mınıstrlik atynan osy máselege alańdaýshylyq bildirip, azamattyq ustanymyn tanytqan adamdarǵa alǵysymyzdy aıtamyz", deıdi Ekologııa mınıstri.
Maǵzum Myrzaǵalıevtyń pikirinshe, Ekologııa mınıstrligi delfınarılerdiń jabylýy týraly qazaqstandyq janýarlar saqshylarynyń usynysyn qarastyratyn bolady. Delfınarıdegi delfınderdi ustaý jaǵdaıyn eskere otyryp, mınıstrlik "Jan-janýarlarǵa jaýapkershilikpen qaraý" zańnamasynyń sheńberinde jabý máselesi týraly naqtylady.
"Bul aıaq astynan paıda bolǵan másele emes. Sondyqtan onyń sheshilýi úshin belgili bir ýaqyt kerek. Halyqaralyq tájirıbeler eskerilýi qajet. "Janýarlarǵa jaýapkershilikpen qaraý" týraly zańnyń jobasynda dál osy gýmanızm prınsıpteri negiz bolady", deıdi Maǵzum Myrzaǵalıev.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.