Daıyndyqtyń bolmaýy, uqypsyzdyq, keıde azamattardyń jaýapsyzdyǵy qaıǵyly nátıjege ákelýi múmkin. Qarapaıym qaýipsizdik qaǵıdalaryn saqtaý týrısterdiń, taýǵa barýshylardyń ómirin qutqarady. Eń aldymen, jabdyqqa, qural-saımandarǵa, kıim men aıaq kıimge, baılanysqa nazar aýdaryńyz. Taýǵa joryq jasaǵan kezde óz baǵdaryńyzdy mindetti túrde tirkeý, naqty koordınattardy bilý, tájirıbeli jolserikterdiń qyzmetin paıdalaný qajet. Bul taýǵa sátti kóterilýdiń kepili.
Daıyndyǵy joq týrıster tobynyń taýǵa shyǵýy qaıǵyly jaǵdaıǵa ákeldi. Saıram-О́gem ulttyq tabıǵı parkiniń aýmaǵynda Qasqasý aýylynan 30 shaqyrym jerde 5 adamnan turatyn top teńiz deńgeıinen 4236 metr bıiktikte ornalasqan "Saıram" muzdyǵyna shyqty. Taýda qar jatqan, odan da joǵary kóterilý úshin taǵy 1 táýlik qajet boldy. Eshqandaı qural-saımandarmen jabdyqtalmaǵan, tájirıbesiz jáne daıyn emes toptyń alǵa jyljýyna múmkin emes edi. Sondyqtan olar tómen túsýge sheshim qabyldady. Túsý kúrdeli emestuǵyn, biraq toptyń daıyn emes músheleri bir sátte qatelik jiberdi. Atap aıtqanda, 1981 jyly týǵan azamatshanyń abaısyzda aıaǵy taıyp, qulap ketti. Oǵan kómektesý áreketteri sátsiz aıaqtaldy. Nátıjesinde, áıel qardyń erýi saldarynan paıda bolǵan taý shyńyndaǵy jaryqtardyń birine qulap, qaıtys boldy.
Quramynda 5 adam bar TJ departamentiniń qutqarýshylary Rahymjan Bekenbaevtyń basshylyǵymen 2020 jylǵy 23 tamyzda keshke oqıǵa ornyna shyqqan. Teńiz deńgeıinen 3800 metr bıiktikte eki táýlik boıy olar qutqarý operasııasyn júrgizdi. Aldymen qoryqtyń ormanshylarynyń kómegi arqyly olar zardap shekken er adamdy jáne toptyń basqa múshelerin atpen tómenge qaraı jiberdi. Ári qaraı 2 ormanshy men toptyń 2 múshesimen birge olar teńiz deńgeıinen 3800 metr bıiktikte qalǵan 1981 jyly týylǵan azamatshanyń denesin izdeýge attandy. Jer bederiniń erekshelikteri, tik jartastar, muzdyq shógindiler ǵana emes, aýa raıynyń qolaısyzdyǵy da izdeý barysynda qıyndyqtar týǵyzdy. Bir kún buryn taýda jańbyr jaýyp, óte taıǵaq boldy. 24 tamyz kúni keshke saǵat 20.05-te táýliktiń qarańǵy mezgiline baılanysty izdestirý toqtatyldy. Izdeý tobynyń barlyq músheleri lagerge tústi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.