"Semeı ıadrolyq qaýipsizdik aımaǵy týraly" jáne "Qazaqstan Respýblıkasynyń keıbir zańnamalyq aktilerine Semeı ıadrolyq qaýipsizdik aımaǵy máseleleri boıynsha ózgerister men tolyqtyrýlar engizý týraly" zań jobalary Qaýipsizdik Keńesiniń jáne QR Úkimeti basshylyǵynyń tapsyrmalaryna sáıkes ázirlendi. Bul týraly Energetıka mınıstrliginiń baspasóz qyzmetine silteme jasaı otyryp Egemen.kz habarlaıdy.
"Semeı ıadrolyq qaýipsizdik aımaǵy týraly" zań jobasyn qabyldaýdyń maqsaty burynǵy Semeı synaq polıgonynyń lastanǵan aýmaqtarynda jáne oǵan irgeles jerlerde radıasııalyq jáne ekologııalyq qaýipsizdikti qamtamasyz etý, aýmaqty ońaltý jáne polıgon jerin paıdalaný máselelerinde memlekettik baqylaýdy kúsheıtý bolyp tabylady.
"Semeı ıadrolyq qaýipsizdik aımaǵy týraly" zań jobasynda:
1. Burynǵy Semeı synaq polıgonynyń jerinde jáne normatıvten tys radıoaktıvti lastanýǵa ushyraǵan irgeles aýmaqtarda arnaıy aımaq – "Semeı ıadrolyq qaýipsizdik aımaǵyn" qurý;
2. Radıoaktıvti lastanýdyń taralýyn shekteý;
3. Polıgon aýmaǵynda tarıhı qalyptasqan radıoaktıvti qaldyqtardy jınaý, ornalastyrý jáne kádege jaratý jolymen Semeı ıadrolyq qaýipsizdik aımaǵynyń aýmaǵyn ońaltý;
4. Semeı ıadrolyq qaýipsizdik aımaǵy aýmaǵyndaǵy radıoaktıvti lastaný deńgeıine úzdiksiz monıtorıng júrgizý kózdeledi.
Zań jobalary ǵylymı-quqyqtyq, ǵylymı-ekologııalyq jáne ǵylymı-ekonomıkalyq saraptamadan ótkizildi. ıZań jobalarynyń erejelerin iske asyrý óńirdegi ekologııalyq jaǵdaıdy jaqsartýǵa baǵyttalady.