Volonterler Shyǵys Qazaqstan, Soltústik Qazaqstan, Jambyl, Almaty, Aqtóbe, Túrkistan oblystaryndaǵy 10 arheologııalyq jobaǵa qatysty. Solardyń biri – búkil Qazaqstannan eriktilerdi tartatyn "Birgemiz: Asyl mura" jobasy, dep habarlaıdy Egemen.kz Aqparat jáne damý mınıstrligine silteme jasap.
Joba aıasynda Taraz, Qaraǵandy, Túrkistan qalalarynda 3 qoldaý ortalyǵy quryldy. Jobamen 1000 qazaqstandyq volonter qamtyldy. Olar joba qorytyndysy boıynsha tarıhı-mádenı mura obektilerinde jumys isteý úshin arnaıy daǵdylarǵa ıe bolady. Arnaıy iriktelgen 17 úılestirýshi halyqaralyq sarapshylardan beıindi daıyndyqtan ótýde.
Volonterler Shyǵys Qazaqstan, Soltústik Qazaqstan, Jambyl, Almaty, Aqtóbe, Túrkistan oblystaryndaǵy 10 arheologııalyq jobaǵa qatysty.
Joba qatysýshylary arnaıy praktıkalyq saparlar uıymdastyrdy. Máselen, Otyrar qalasynda qalpyna keltirý jumystary júrgizildi. Túrkistanda eriktiler Darbaza qaqpasynyń qabyrǵalaryn tóseýge qatysty. Aqmola oblysynda "ALJIR" memorıaldy-murajaı keshenin jáne "Jasyl meshit" qabyrǵasyn qalpyna keltirýge kómektesti.
Sondaı-aq tarıhı-mádenı mura obektilerin saqtaý boıynsha jergilikti volonterlik bastamalar úshin 68 shaǵyn grant (300 myń teńge) qarastyrylyp oınatyldy.
Barlyq qajetti aqparatty myna silteme arqyly alýǵa bolady https://qazvolunteer.kz/ru/birgemiz/birgemiz-asyl-mura
Aqparat jáne qoǵamdyq damý mınıstrliginiń tapsyrysy boıynsha "Jas Ulan" biryńǵaı balalar men jasóspirimder uıymy mádenı-tarıhı murany saqtaý jáne damytý, tarıh, mádenıet eskertkishteri men memorıaldyq keshenderdi qalpyna keltirý jáne saqtaý jónindegi jobalardy iske asyrýǵa azamattardyń qatysýyn keńeıtýge baǵyttalǵan "Birgemiz: Asyl mura" jalpy ulttyq jobasyn iske asyryp jatyr.