Búginde Qaraǵandy oblysy, Abaı aýdany Topar jáne Osakarovka eldi mekenderindegi oblystyq aýrýhanalardyń bazasynda eki jańa gemodıalız ortalyǵy iske qosyldy, dep habarlaıdy Egemen.kz Densaýlyq mınıstrligine silteme jasap.
Buryn sozylmaly búırek jetkiliksizdigimen aýyratyn naýqastar emdelý úshin kóp ýaqytty, kúsh pen resýrstardy jumsaýǵa májbúr bolatyn. Olarǵa buǵan deıin Qaraǵandy qalasynda qyzmet kórsetilip kelgen. Alaıda bul másele endi ǵana is júzinde sheshimin tapty.
Jobalar memlekettik-jekemenshik seriktestik arqyly júzege asyryldy. Tıisinshe, pasıentter prosedýrany jaqyn mańdaǵy ortalyqtan alady.
Aıta ketý kerek, Abaı aýdanynda sozylmaly búırek jetkiliksizdigimen 20 naýqas tirkelgen. Al ortalyq kúnine 15 adamdy qabyldaı alady.
Osakarov aýdanynda osy dertpen aýratyn 10 adam tirkelgen, al ortalyq bir aýysymda 30 kelýshige qyzmet kórsete alady. Osyndaı medısınalyq ortalyqtar qazirdiń ózinde oblystyń basqa aımaqtarynda jumys isteıdi. Buǵan deıin olar Jańaarqa óńirinde jáne Saran jáne Sátpaev qalalarynda ashylǵan bolatyn.
Jaqyn arada ortalyq Qarqaralyda ashylady. Oblysta barlyǵy 13 gemodıalız ortalyǵy jumys isteıdi.