Jenevada Transshekaralyq sý aǵyndary men halyqaralyq kólderdi qorǵaý jáne paıdalaný týraly konvensııanyń Sý resýrstaryn yqpaldasyp basqarý jónindegi jumys tobynyń on besinshi otyrysy ótti. Álemniń 180 elinen kelgen qatysýshylar kezdesýge qashyqtyqtan jáne oflaın qatysa aldy, dep habarlaıdy Egemen.kz
Olardyń arasynda akademııalyq toptardan nemese jeke sektordan úkimettik jáne birlesken organdardyń, úkimettik emes jáne halyqaralyq uıymdardyń jáne basqa da múddeli taraptardyń atynan ókildik etken sarapshylar boldy.
Qatysýshylar Transshekaralyq sýlar jónindegi konvensııa jumysynyń aǵymdaǵy baǵdarlamasyn júzege asyrý jáne 2018 jylǵy qazanda Nur-Sultan qalasynda Taraptar keńesiniń segizinshi sessııasynda qabyldanǵan onyń jahandyq ashylýyndaǵy ilgerileý máselelerin egjeı-tegjeıli talqylady. Budan basqa, 2021 jyldyń kúzine josparlanǵan Transshekaralyq sýlar jónindegi konvensııa Taraptary keńesiniń kezekti toǵyzynshy sessııasyna daıyndyq jáne 2022-2024 jyldarǵa arnalǵan jumys baǵdarlamasyn ázirleý máselelerine erekshe nazar aýdaryldy.
Halyqaralyq dıalog barysynda Qazaqstan ókilderi onlaın-rejımde Transshekaralyq sýlar jónindegi konvensııanyń rólin arttyrý jáne ony jahandyq deńgeıde qoldaný aıasyn keńeıtý boıynsha el qabyldap jatqan sharalardy atap ótti, sondaı-aq jańa elderdi oǵan qosylý múmkindigin qarastyrýǵa shaqyrdy.
Jumys toby Qazaqstannyń bastamalary men eldiń transshekaralyq kontekste sý resýrstaryn ornyqty jáne ádil bólý jónindegi basshylyqty ázirleý prosesine qosqan úlesin joǵary baǵalady. Sonymen qatar Sý saıasaty boıynsha ulttyq dıalogty (SSUD) oryndaýdaǵy ilgerileýshilik atap ótildi, ol Qazaqstanda iske qosylǵan sátten bastap sý resýrstaryn basqarý máseleleri boıynsha eldiń túrli sektorlary arasyndaǵy ózara is-qımyldy qamtamasyz etetin tıimdi quralǵa aınaldy.
Transshekaralyq sýlar jónindegi konvensııanyń Hatshylyǵy men Eýropalyq Odaq óńirdegi SSUD jumysyna qarjylyq qoldaý kórsetýdi jalǵastyratyny atap ótildi. О́z tarapynan, bizdiń elimizdiń ókilderi Transshekaralyq sýlar jónindegi konvensııa sheńberindegi is-sharalardyń oryndalýyna, onyń ishinde qarjy resýrstaryn usyný túrinde qoldaý bildirdi jáne áriptes elderdi Konvensııa jumysynyń baǵdarlamasyn tolyq kólemde oryndaýda qarjylyq qoldaý kórsetýge shaqyrdy.
Sý resýrstaryn yqpaldasyp basqarý jónindegi jumys toby Transshekaralyq sýlar jónindegi konvensııanyń transshekaralyq sý resýrstaryn yqpaldasyp basqarý salasyndaǵy sektoraralyq qyzmetti júzege asyrýdy qoldaý bóligindegi kómekshi organy bolyp tabylady.
Jumys tobynyń otyrysy barysynda jınalǵan barlyq usynystar men eskertýler negizgi baıandamada kórinis tabatyn bolady, al mańyzdy sheshimder 2021 jyly Transshekaralyq sýlar jónindegi konvensııa Taraptary keńesiniń toǵyzynshy sessııasy sheńberinde talqylaýǵa jáne qabyldaýǵa usynylatyn sheshimder jobasyna engiziletin bolady.