Jyl sońyna deıin 5 331 eldi mekendi ınternetpen qamtamasyz etý josparlanyp otyr. Bul týraly Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın Senatta ótip jatqan Úkimet saǵatynda málim etti, dep habarlaıdy Egemen.kz
"Qazirgi kezde birinshi kezektegi mindet − halyqty ınternetpen qamtý. Búginde 6 459 eldi mekenniń ishinde 118 qala men 4 558 aýyl ártúrli tehnologııalar boıynsha ınternetpen qamtamasyz etilgen. Jyl sońyna deıin 5 331 eldi mekendi ınternetpen qamtamasyz etý josparlanýda. Telekom operatorlarymen birigip, ınternet jelisin damytý úshin elimizde eki aýqymdy joba iske asyrylýda. Birinshi joba − bul memlekettik-jekeshelik áriptestik tetigi arqyly optıkalyq ınternetti shalǵaıdaǵy aýyldarǵa tartý", dedi mınıstr.
Joba boıynsha 2,4 mln adam turatyn 1260-qa jýyq aýylǵa ınternet jelisi tartylýda. Eger 2018 jyly 56 aýylǵa optıkalyq jeli tartylsa, 944 aýyl qosylatyn bolady. Bul jobaǵa 75 mlrd tengege jýyq ınvestısııa tartyldy. Joba aıasynda 3 700 memlekettik organ men bıýdjettik mekemelerge baılanys jetkizildi.
Sonymen birge Baǵdat Mýsın ekinshi jobada 250 adamnan kóp turǵyny bar 928 aýylda 3G men 4G bolatynyn jáne basqa tehnologııa boıynsha mobıldi ınternetpen qamtýdy kózdeıtinin tilge tıek etti.