Túrkistan oblysynda zańsyz qarý saqtaǵan kúdikti ustaldy, – dep habarlaıdy Egemen.kz Polisia.kz saıtyna silteme jasap.
Tóle bı aýdandyq polısııa bóliminiń kezekshiligine jergilikti turǵynnyń zańsyz qarý saqtaýy múmkin ekeni týraly aqparat kelip tústi. Atalǵan jaıt QR QK-niń 287-baby (Qarýdy, oq-dárilerdi, jarylǵysh zattardy jáne jarylys qurylǵylaryn zańsyz ıemdený, berý, ótkizý, saqtaý, tasymaldaý nemese alyp júrý) boıynsha tirkeldi. Osy is boıynsha polısııa qyzmetkerleri jedel izdestirý sharalaryn bastap ketti.
Nátıjesinde kúdikti azamat Tóle bı aýdanynda óz úıinen ustaldy. Qazirgi ýaqytta atalǵan jaıt boıynsha sotqa deıingi tergeý amaldary júrgizilýde. Zattaı dáleldemeler alyndy. Tergeý barysynda anyqtalǵandaı kúdikti qarýdy óziniń jatyn bólmesindegi kereýet janyna jasyryp qoıǵan. Jasyrylǵan qarý 16 kalıbrli sholaq ańshy myltyǵy men eki dana oq-dári. Kúdikti qarýdy ańǵa shyǵý maqsatynda qoldanatynyn aıtty.
Sondaı-aq kúdiktiniń buryn basqa da qylmystarǵa qatysy bar joqtyǵy anyqtalýda. Bas sharasy qolhatta. Túrkistan oblysynyń polıseıleri zańsyz qarýdy alyp júrmeýdi, sonymen qatar tirkelmegen qarý bolsa polısııaǵa tapsyrýdy eskertedi.