Shymkentte alaıaqtyq jolmen turǵynnan qomaqty qarajat alyp, habarsyz ketken azamat ustaldy, – dep habarlaıdy Polisia.kz.
19 qazanda shamamen saǵat 11.00-de Shymkent QPD Ál-Farabı APB-nyń kezekshi bóliminiń “102” symtetigi arqyly 1958 jyly týǵan jergilikti turǵyn S. esimdi azamat senimine kirip, qala aýmaǵyndaǵy elıtaly móltek aýdandarynyń birinen jer telimin zańdastyryp beremin dep, shamamen eki mıllıon teńge kóleminde aqshany alyp, habarsyz ketkeni týraly aryzdanǵan. Sol kúni atalǵan jaıt boıynsha QR QK-niń 190-babynyń 1-bóligimen sotqa deıingi tergep-tekserý amaldary bastalǵan.
Ál-Farabı APB-nyń №22 ÝPP-niń ýchaskelik polısı ınspektorlary jedel is-sharalaryn júrgizý barysynda kúdiktini anyqtap, polısııaǵa jetkizdi. Ol 1993 jyly týǵan jergilikti turǵyn ekeni anyqtaldy. Qazirgi tańda sotqa deıingi tergep-tekserý amaldary jalǵasyp jatyr. Onyń nátıjesi boıynsha prosestik sheshim qabyldanady.