Qyzylorda oblysynyń kúrish ósirýshileri kúrish ónimdiligi boıynsha jańa rekord ornatty, dep habarlaıdy Egemen.kz oblystyń baspasóz qyzmetine silteme jasap.
Bıyl Qyzylorda óńirinde sýarmaly sý tapshylyǵy burynǵydan da ótkir bolyp otyr. Biraq sýarmaly sýdy tıimdi paıdalanýdyń arqasynda ýaqtyly qabyldanǵan sharalar zalaldy azaıtýǵa múmkindik berdi.
Sonymen qatar oblys agrarııleri bıyl jaqsy ónim jınap qana qoımaı, kúrishtiń shyǵymdylyǵy men jalpy túsimi boıynsha rekord ornatty, ortasha eseppen 1 gektardan 61,8 sentnerden kúrish jınap, osylaısha, el qoımasyna 551 myń tonna kúrish saldy.
Eske sala keteıik, 2019 jyly Qyzylorda oblysynyń agrarııleri 1 gektardan orta eseppen 60,3 sentnerden kúrish jınap, kúrish dániniń jalpy ónimin 530,5 myń tonnaǵa deıin jetkizýge múmkindik berdi.