Elordada karantındi saqtaý jáne koronavırýs ınfeksııasynyń taralýyn boldyrmaý boıynsha mobıldi toptardyń reıdteri jalǵasyp jatyr, dep habarlaıdy Egemen.kz
Erejelerdi elemeıtinderdi polısııa qyzmetkerleri, eriktiler, taýarlar men qyzmetter sapasy men qaýipsizdigin baqylaý basqarmasy ókilderi, aýdan ákimdikteri anyqtaıdy.
Karantın kezinde jumys kestesi men qaýipsizdik erejelerin saqtamaý áli de jıi kezdesedi. Sonymen, 4 qarasha kúni saǵat 01:36-da mobıldi top jumys istep turǵan Tequila baryn anyqtady. Barda 30 kelýshi bolǵan.
Flash kompıýter klýbynda antıseptık, dene temperatýrasyn ólsheýge arnalǵan termometr jáne dezınfeksııalyq tósenish bolmady. Sonymen qatar basqa da zań buzýshylyqtar bar. Jınalǵan materıaldar prosessýaldyq sheshim qabyldaý úshin taýarlar men qyzmetter sapasy men qaýipsizdigin baqylaý basqarmasyna jiberildi.
Buǵan deıin habarlaǵandaı, 1 qarashadaǵy jaǵdaı boıynsha aýdandyq polısııa basqarmalarynan 1700-den astam materıal túsken. 800-ge jýyq jeke jáne zańdy tulǵalar ákimshilik jaýapkershilikke tartyldy.