57 úmitker "Bolashaq" halyqaralyq stıpendııasynyń ıegeri atandy, dep habarlaıdy Egemen.kz.
30 qazanda Qazaqstan Respýblıkasynyń Memlekettik hatshysy Q.E. Kósherbaevtyń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti. Komıssııa konkýrstyq irikteýden ótken úmitkerlerge "Bolashaq" halyqaralyq stıpendııasyn taǵaıyndaý jáne onyń jekelegen ıegerlerin "Bolashaq" halyqaralyq stıpendııasynan aıyrý máselelerin qarady.
2020 jylǵy 26 qyrkúıek pen 7 qazan aralyǵynda ótkizilgen konkýrstyq irikteýdiń birinshi jáne ekinshi kezeńderiniń nátıjeleri boıynsha Komıssııanyń qaraýyna 59 úmitkerdiń materıaldary engizildi. Onyń ishinde 50 úmitker magıstr dárejesin alýǵa, 7 úmitker doktor dárejesin alýǵa, 2 úmitker taǵylymdamadan ótýge konkýrstyq irikteýge qatysty.
Komıssııa otyrysynyń qorytyndysy boıynsha 57 úmitkerge "Bolashaq" halyqaralyq stıpendııasyn taǵaıyndaý týraly sheshim qabyldandy.
Stıpendııa ıegerleri University College London, New York University, King’s College London, ETH Zurich – Swiss Federal Institute of Technology, Technical University of Denmark, M.V. Lomonosov atyndaǵy Máskeý memlekettik ýnıversıteti ispettes álemniń úzdik joǵary oqý oryndaryna óz betimen túskender.
Bıyl alǵash ret konkýrstyq irikteý – keshendi testileý jáne táýelsiz saraptama komıssııasy múshelerimen suhbattasý Prezıdenttik jastar kadrlyq rezervine irikteý úlgisi boıynsha tolyǵymen avtomattandyryldy jáne pandemııa jaǵdaıynda onlaın ótýde.
2020 jylǵa barlyǵy 555 stıpendııa bólingen, onyń 395-i magıstratýra baǵdarlamasy, 50-i doktorantýra baǵdarlamasy jáne 110-y taǵylymdamadan ótýge arnalǵan.
Osylaısha, 16 qyrkúıek jáne 30 qazan kúnderi ótken Komıssııanyń eki otyrysynyń qorytyndysy boıynsha 163 stıpendııa taǵaıyndaldy. Olar: "magıstratýra" – 143, "doktorantýra" – 13 jáne "taǵylymdama" baǵdarlamasy boıynsha 7.
Qalǵan stıpendııalar sany kelesideı:
"Magıstratýra" men "rezıdentýra" baǵdarlamalary boıynsha 252 stıpendııa kelesi baǵyttar boıynsha: sáýlet jáne qurylys – 8, gýmanıtarlyq mamandyqtar – 19, jaratylystaný ǵylymdary – 18, densaýlyq saqtaý jáne áleýmettik qamtamasyz etý – 31, ınjenerlik-tehnıkalyq mamandyqtar – 80, aqparattyq-kommýnıkasııalyq tehnologııalar – 30, óner – 3, bilim berý – 37, aýyl sharýashylyǵy jáne veterınarııa – 25, áleýmettik ǵylymdar, bıznes jáne quqyq – 1;
"Doktorantýra" baǵdarlamasy boıynsha 37 stıpendııa kelesi baǵyttar boıynsha: sáýlet jáne qurylys – 2, gýmanıtarlyq mamandyqtar – 7, jaratylystaný ǵylymdary – 5, densaýlyq saqtaý jáne áleýmettik qamtamasyz etý – 5, ınjenerlik-tehnıkalyq mamandyqtar – 6, aqparattyq-kommýnıkasııalyq tehnologııalar – 3, óner – 2, bilim berý – 3, aýyl sharýashylyǵy jáne veterınarııa – 3, áleýmettik ǵylymdar, bıznes jáne quqyq – 1;
"Taǵylymdama" baǵdarlamasy boıynsha 103 stıpendııa kelesi baǵyttar boıynsha: sáýlet jáne qurylys – 5, gýmanıtarlyq mamandyqtar – 10, jaratylystaný ǵylymdary – 10, densaýlyq saqtaý jáne áleýmettik qamtamasyz etý – 9, ınjenerlik-tehnıkalyq mamandyqtar – 10, aqparattyq-kommýnıkasııalyq tehnologııalar – 10, óner – 5, bilim – 19, aýyl sharýashylyǵy jáne veterınarııa – 15, áleýmettik ǵylymdar, bıznes jáne quqyq – 10 bolyp bólingen.
Bıyl 6 mamyrdaǵy QR Úkimetiniń № 271 qaýlysymen bekitilgen «Bolashaq» halyqaralyq stıpendııasyn taǵaıyndaý úshin úmitkerlerdi irikteý Qaǵıdalarymen qarastyrylǵan mamandyqtardy baǵyttary boıynsha sandyq úılestirý Qazaqstan úshin suranysqa ıe mamandyqtarǵa túsken úmitkerlerge konkýrstyq irikteý barysynda teń múmkindikterdi qamtamasyz etýdi kózdeıdi.