Qorǵanys mınıstriniń birinshi orynbasary – Qarýly Kúshteri Bas shtabynyń bastyǵy general-leıtenant Murat Bektanov Qaraǵandy men Almatydaǵy áskerı bólimderdi tekserdi, dep habarlaıdy Egemen.kz.
Bul jumys saparynyń negizgi maqsaty daıarlyq kezeńindegi is-sharalardyń oryndalýyn tekserý bolatyn. Qarý-jaraq pen áskerı tehnıkanyń jaǵdaıyn, polıgon jabdyqtarynyń qysqy paıdalaný rejımine kóshýin, jóndeý sheberhanalarynyń, jaýyngerlik daıarlyqtyń materıaldyq zattaryn saqtaý jaǵdaıyn muqııat tekserýge nazar aýdaryldy.
Bas shtab bastyǵy oqý-jattyǵý polıgondaryn tutas tazartý jónindegi is-sharalardyń oryndaýly týraly baıadamalardy tyńdady, áskerı quramalar men bólimderdiń kúndelikti tynys-tirshiligindegi máselelermen, áskerı qyzmetshilerdiń áleýmettik-turmystyq jaǵdaılarymen tanysty.
Budan ózge, general-leıtenant Murat Bektanov merzimdi qyzmet atqarýǵa kelgen jas tolyqtyrýlardy qabyldaýdyń uıymdastyrylýymen, olardyń áleýmettik-turmystyq jaǵdaıymen jáne kazarmalyq turǵylyqty qorymen tanysty.
Ol óńirlik qolbasshylyqtardyń qolbasshylaryna aldaǵy Parlament Májilisine depýtattardy saılaý jóninde eske salyp, oǵan árbir áskerı qyzmetshi, onyń ishinde merzimdi áskerı qyzmettegi áskerı qyzmetshiler men áskerı oqý oryndarynyń kýrsanttaryna qatysýǵa múmkindik berýdi atap ótti.