Jýaly aýdanynyń ákimi Narbaı Ergebekov óńirlik kommýnıkasııalar qyzmetiniń aqparat alańyna kelip, aýdandaǵy atqarylyp jatqan jumystar týraly aıtty.
Aýdanda ótken 9 aı ishinde 23 mıllıard 205 mıllıon teńgeniń aýyl sharýashylyǵy ónimi óndirilgen. Onyń ishinde ósimdik sharýashylyǵy ónimi 12 mıllıard 686 mıllıon teńgeden, al mal sharýashylyǵy 13 mıllıard teńgeden asqan. Aýdanda aýyl sharýashylyǵy maqsatyndaǵy jer 210 myń 772 gektardy quraıdy. Onyń ishinde egistik jerler 95 004, sýarmaly jerler 8708 jáne jaıylym men shabyndyq jerler 111 484 gektar bolady. Sondaı-aq, ákim aýdanda aǵymdaǵy jyly jalpy ishki ónim kólemi 43 mıllıard 401 mıllıon teńgeni quraǵanyn, bul ótken jyldyń osy merzimimen salystyrǵanda 20,5 paıyzǵa artyq ekenin aıtty. Al, jalpy ishki ónim quramynda ónerkásip úlesi 18,2, aýyl sharýashylyǵy 60,4, qurylys 9,4 jáne saýda aınalymy 12 paıyz ekenin jetkizdi. «Jýalydaǵy jurttyń jaǵdaıynyń jaqsarǵanynyń bir belgisi – jeke turǵyn úı salýy. Záýlim de eńseli úı salýǵa umtylǵandar bıylǵy jyldyń 9 aıynda 9 846 sharshy metr bolatyn jeke turǵyn úı turǵyzdy», dedi Narbaı Ergebekov.
Jambyl oblysy