Búgin saǵat 19:00-den 20:00-ge deıin Nur-Sultandaǵy mańyzdy nysandar qyzǵylt-sary jaryqpen jaryqtandyrylady, dep habarlaıdy Egemen.kz.
Ákimdikte ótken brıfıng barysynda bul týraly Nur – Sultan qalasy ákimdiginiń janyndaǵy Áıelder isteri jáne otbasylyq-demografııalyq saıasat jónindegi komıssııa hatshysy, ákimniń bas ınspektory Móldir Bólebaeva aıtyp berdi. Bul aksııa genderlik zorlyq-zombylyqqa qarsy yntymaqtastyq belgisi retinde ótkiziledi.
Buǵan deıin habarlanǵandaı, «Zorlyq-zombylyqsyz 16 kún» áleýmettik aksııasy - áıelderge qatysty zorlyq-zombylyqty joıýdyń halyqaralyq kúni - 25 qarashada bastalatyn jáne 10 jeltoqsan - Adam quqyqtary kúnine deıin jalǵasatyn jyl saıynǵy halyqaralyq naýqan.
Bul kúndi 1999 jyly BUU Bas assambleıasy resmı túrde jarııalady jáne ataýly kún álemniń 100-den astam elinde qoldaý tapqan.
Qazaqstan astanasynda da osy aksııa aıasynda birqatar is-sharalar ótedi.