Premer-Mınıstr Asqar Mamın Qaraǵandy farmasevtıkalyq keshenine baryp, Qazaqstan Respýblıkasynyń Prezıdenti Qasym-Jomart Toqaev pen Reseı Federasııasynyń Prezıdenti Vladımır Pýtınniń arasyndaǵy ýaǵdalastyqtardy iske asyrý aıasynda «Spýtnık V» vaksınasyn óndirýdi bastap berdi, dep habarlaıdy Egemen.kz.
Keshen bazasynda kezeń-kezeńimen 2 mln doza vaksına óndiriledi.
«Qazaqstanda óndirilgen “Spýtnık V”-men jappaı vaksınasııa 2021 jylǵy aqpan aıynda bastalady. Birinshi kezekte ekpe erikti negizde medısına qyzmetkerleri, pedagogter, stýdentter, quqyq qorǵaý organdarynyń qyzmetkerleri, medısınalyq-áleýmettik mekemelerdiń kontıngenti, sondaı-aq sozylmaly aýrýlary bar qaýiptilik toptarynyń ókilderine salynady», — dedi A. Mamın.
QR Premer-Mınıstri Qazaqstanda «Spýtnık V» vaksınasynyń ónerkásiptik óndirisin jergiliktendirýdiń erekshe mańyzdylyǵyn atap ótti.