Pavlodar oblysy Jelezın aýdanynyń turǵyndary polıseılerge alǵysyn bildirdi, dep habarlaıdy Egemen.kz Polisia.kz-ke silteme jasap.
Jelezın aýdanynyń turǵyndary polısııa qyzmetkerlerine shapshańdyǵy men joǵary kásibı sheberligi úshin alǵysyn bildirdi, olardyń saýatty jáne úılestirilgen is-qımyldarynyń arqasynda qylmys qysqa merzimde ashyldy.
Aýyl turǵyndary plastıkalyq terezeler ornatýmen aınalysamyn degen alaıaqtyń toryna túsken. Jedel-izdestirý sharalary barysynda qaskúnem anyqtalyp, qamaýǵa alyndy. Ol Aqsý qalasynyń 40 jastaǵy turǵyny bolyp shyqty. Sotqa deıingi tergeý barysynda qylmystyq qýdalaý organdary Alakól aýylynyń turǵyndaryna keltirilgen materıaldyq zalaldy óteý boıynsha sharalar qabyldady.
Alaıaq aýyl turǵyndaryna keltirilgen shyǵyndy tolyǵymen ótedi. Qazirgi ýaqytta tergeý aıaqtalyp, qylmystyq is sotqa jiberildi.