«Medıa orda» qoǵamdyq qory Soros-Qazaqstan qorynyń qoldaýymen «Bıýdjet mol – másele sol» atty respýblıkalyq karıkatýrashylar baıqaýynyń qorytyndysyn jarııalady, dep habarlaıdy Egemen.kz
Qoǵamdaǵy túıtkildi máselelerdiń túıinin tarqatý úshin jyl saıyn memlekettik bıýdjetten qyrýar qarajat bólinedi. Áıtse de óte ózekti áleýmettik problemalar sheshimin tabar emes: bıýdjetti ıgerý, josparlaý jáne t.b. jaıttar rettelmeı otyr.
Elimizdegi kásibı jáne áýesqoı karıkatýrashylar osy taqyryp aıasyndaǵy, respýblıka kólemindegi nemese óńirlerdegi mańyzdy máselelerdi karıkatýra tilimen sóıletip kórdi.
Qaırat Jáıirbektiń «Quraq kórpe» jumysy – I oryn:
Baıqaýǵa 31 karıkatýrashy óz jumysyn joldady. Onyń 3-eýi konkýrs talaptaryn oryndamaǵandyqtan jáne taqyrypqa qatysy joq sýretter jibergendikten baǵalaý kezeńine jiberilmedi. 28 cýretshiniń óner týyndysy qazylar alqasynyń baǵalaýyna joldandy.
«Bıýdjet mol – másele sol» atty baıqaýdyń jeńimpazdary:
I oryn (300 000 teńge) – «Quraq kórpe» jumysy, avtory – Qaırat Jáıirbek (Nur-Cultan);
II oryn (200 000 teńge) – «LRT-stoýnhendj» jumysy, avtory – Talǵat Jeńisuly (Taldyqorǵan);
III oryn (100 000 teńge) – «Bıýdjetti basqarý» jumysy, avtory – Murat Dilmanov (Almaty);
III oryn (100 000 teńge) – «Aqbulaq 2011-2020» jumysy, avtory – Pavel Ýkolov (Semeı);
III oryn (100 000 teńge) – «LRT: kózden bulbul ushty» jumysy, avtory – Ádil Zakenov (Almaty).
Talǵat Jeńisulynyń «LRT – stoýnhendj» jumysy – II oryn
Asqar Bekov: «Baıqaýdy uıymdastyrýdaǵy maqsatymyz – elimizdegi karıkatýra janrynyń jandanýyna tıitteı de bolsyn óz úlesimizdi qosý boldy. Karıkatýra – baǵzydan beri áleýmettiń ózekti máselelerin kótere biletin, ony qalyń kópshilikke kórsete alatyn birden bir qural. Bul janrdyń halyqaralyq deńgeıde ózindik orny bar. О́kinishke qaraı, osy jobany júzege asyrý barysynda elimizde kásibı karıkatýrashylardyń kóp emes ekenin kýá boldyq. Desek te, bul janrdyń túp-tamyrymen joǵalyp ketpeýine septigin tıgizip júrgen kásibı sýretshiler bar. Sol qylqalam sheberlerine qoldaý kórsetý maqsatynda osyndaı baıqaý uıymdastyrdyq», deıdi.
Baıqaýǵa barlyǵy 148 jumys keldi, onyń ishinde 35 jumys baıqaý sharttaryn oryndamaǵany úshin (kóshirme, qaıtalaý jáne t.b.) konkýrsqa jiberilmedi, al qalǵan 113 jumystyń ishinde negizgi taqyryp – 75, al erkin taqyryp boıynsha 38 jumys baǵalandy. Baıqaýdyń jalpy júlde qory – 1 350 000 teńge.
Pavel Ýkolovtyń «Aqbulaq 2011-2020» jumysy – III oryn:
«Soros-Qazaqstan» qorynyń «Ashyqtyq jáne eseptilik» baǵdarlamasy azamattyq qoǵamnyń qalyptasýyna, ondaǵy memlekettik bıýdjet máselesiniń ashyq ári esepti bolýyna zor mańyz beredi. Osy taqyrypty qalyń buqaraǵa keńinen túsindirýge, nasıhattaýǵa hám onymen baılanysty ózekti problemalardy kóterýge múddeli jobalardy únemi qoldaımyz. Bizdiń seriktesimiz – «Medıa orda» qoǵamdyq qory osy esep-qısapqa toly ári qarjy-qarajat tóńiregindegi problemalardy shyǵarmashylyq tilmen sóıletip kórý týraly tyń ıdeıa usynǵan bolatyn, biz qoldadyq», – dedi «Soros-Qazaqstan» qorynyń úılestirýshisi Asqar Kóshkinbaev.
Uıymdastyrýshylar osy baıqaý aıasynda «Qylqalam ushyndaǵy shynaıy qoǵam» atty erkin taqyrypqa jumystar qabyldandy. Bul taqyryp boıynsha kásibı karıkatýrıst Berik Shadyǵalıdiń (Oral qalasy) jumystary úzdik dep tanyldy. Ol 100 000 teńge syıaqyǵa ıe boldy.
Ádil Zakenovtyń «LRT: kózden bulbul ushty» jumysy – III oryn
Budan bólek, karıkatýrashylarǵa yntalandyrý sertıfıkattary berildi: 7 jumys – 50 000 teńgelik, 5 jumys – 20 000 teńgelik syılyq aldy.
Elimizge belgili karıkatýrıst, osy baıqaýdyń negizgi sarapshysy ári ádil-qazy múshesi Ǵalym Smaǵululy: «Baıqaýǵa usynylǵan jumystardyń taqyryby, ıakı nysanyna, ıdeıasy, ıaǵnı tapqyrlyǵyna jáne tehnıkasy, ıaǵnı usyný sheberligine erekshe mańyz berdik. Respýblıka kóleminde birqatar karıkatýrashydan jaqsy jumystar keldi. Bas júldelerdi alǵan sýretshiler baıqaýǵa jaqsy daıyndalǵan: tapqyr, sheber ári ózekti týyndylar keldi. Áli de bolsa jetildirý kerek jumystar da boldy, olarǵa yntalandyrý sertıfıkattary berildi», dep atap ótti.
Bul baıqaýǵa jınalǵan úzdik sýretter kórermensiz qalmaıdy. Uıymdastyrýshylar «Bıýdjet mol – másele sol» atty albom-jınaq shyǵarýdy, sondaı-aq, konkýrsqa kelgen óner týyndylaryn onlaın keńistikte keńinen taratý maqsatynda longrıd formatynda derekti-maqala usynýdy josparlap otyr. Sondaı-aq, Aiqyn respýblıkalyq qoǵamdyq-saıası gazetiniń «Ara» satıralyq qosymshasymen seriktesip, atalmysh basylymǵa úzdik sýret serııasy jarııalanbaq.
Murat Dilmanovtyń «Bıýdjetti basqarý» jumysy – III oryn:
Talǵat Jeńisuly, II oryn ıegeri: – Barlyq jumysty ysyryp qoıyp, 3 apta kóleminde osy baıqaýǵa sýret saldym. Konkýrs taqyrybyn ashýǵa tyrystym, túrli tehnıkalardy qoldandym. Baıqaýdyń taqyryby, talaptary unady, júldesi de turarlyq. Bul bizdiń jumysymyzǵa qurmetpen qaraýdyń belgisi dep túsindim.
Murat Dilmanov, III oryn ıegeri: – Qazaq tilindegi karıkatýra joǵalýdyń az aq aldynda tur. Bul oraıda búgingi baıqaýǵa qatysqan árbir karıkatýrashynyń eńbegi eren. О́ıtkeni bul janrdy qaıta jandandyrýdyń mańyzy zor. Karıkatýranyń, ondaǵy kóterilgen máseleniń salmaǵy aýyrlap, sapasy artqan saıyn, qabyldaýshynyń sanasy ósedi. Sýretshilerge osyndaı múmkindik bergen bastamashylarǵa alǵys aıtamyn, – deıdi ol.
Aıta keteıik, bul baıqaý «Karıkatýrany qoǵamdaǵy ózekti máselelerdi kórsetýdiń qoljetimdi quraly retinde qaıta jandandyrý» jobasy aıasynda uıymdastyryldy. Jobanyń maqsaty – elimizdegi kásibı jáne áýesqoı sýretshi-karıkatýrashylarmen jáne olardyń jumysymen tanysý, seriktestik ornatý; karıkatýra arqyly respýblıkalyq deńgeıdegi nemese óńirlerdegi ózekti problemalardy kórsetý elimizdegi kásibı jáne áýesqoı sýretshi-karıkatýrashylardyń jumysyn jáne sol arqyly respýblıka kólemindegi nemese jergilikti deńgeıde aktýaldy máselelerdi qalyń buqaraǵa kórsetý boldy.
Bul jobaǵa belgili karıkatýrıst Ǵalym Smaǵululy, bıýdjet taqyrybynyń sarapshysy Sholpan Aıtenova jáne jýrnalıst Baýyrjan Sabyrbekov ekspert retinde tartyldy.