21 jeltoqsan kúni Qyzylorda oblysy PD-niń Jańaqorǵan aýdandyq polısııa bólimine Shıeli aýdany, Bala bı aýylynyń 60 jastaǵy turǵyny aryz túsiredi. Aryzynda aýyl turǵyny jeltoqsan aıynyń basynda belgisiz bireýlerdiń Oqshy Ata kesenesi mańyndaǵy jaıylymnan 1 bas sıyryn urlap ketkendigin kórsetken, dep habarlaıdy Egemen.kz
Aýdandyq polısııa bólimi qyzmetkerleriniń jedel izdestirý jumystarynyń nátıjesinde bul qylmysqa kúdikti 3 azamat anyqtalyp, ustaldy. Olardyń bireýi oblys ortalyǵynyń, ekeýi aýdan turǵyndary bolyp shyqty.
Polıseıler tekserý barysynda ustalǵan kúdiktilerdiń 15 mal urlyǵy qylmysyna qatysy bar ekendigin anyqtady. Qylmyskerlerdiń jábirlenýshilerge keltirgen materıaldyq shyǵynynyń jalpy kólemi 2 mıllıon 230 myń teńgeni quraıdy.
Ashylǵan mal urlyǵy deregi boıynsha Qazaqstan Respýblıkasy Qylmystyq kodeksiniń 188-1 babynyń 2 bóligimen sotqa deıingi tergep-tekserý amaldary júrgizilýde. Kúdiktiler ýaqytsha ustaý ızolıatoryna qamaqqa alyndy.
«Qyzylorda oblysy Polısııa departamentiniń qyzmetkerleri jyl basynan mal urlyǵymen aınalysqan 20 qylmystyq topty ustap, 215 mal urlyǵy tirkeldi», dep atap ótti Qyzylorda oblysy Polısııa departamentiniń bastyǵy Bektóre Sultan.