Jańa jylǵa oraı qalanyń ár jerinde 33 jańa jyldyq shyrsha ornatyldy, dep habarlaıdy Egemen.kz.
Shyrshalardyń biri EKSPO qalashyǵynyń aýmaǵynda ornalasqan, bıiktigi 25 metr. Jasandy shyrsha 1200 shar, 250 kishkene jáne 20 kompozısııalyq qarmen túrli-tústi etip bezendirilgen. Uzyndyǵy 1500 metr jypylyqtaıtyn jaryq dıodty jáne 500 metr tvınkl-laıt gırlıandtarmen jaryqtandyrylǵan. Saltanatqa qatysqan qala turǵyndary mereke sánin joǵary baǵalady.
«Shyrsha keremet, óte ádemi jaryqtandyrylǵan. Merekelik kóńil-kúı syılaıdy. О́te unady. Otandastarymyzdy merekemen quttyqtaımyz, kele jatqan 2021 jyl barlyǵyna sáttilik, jaqsylyq, baqyt pen densaýlyq ákelsin», - deıdi elorda turǵyndary.
Sondaı-aq sanıtarlyq-epıdemıologııalyq baqylaý departamenti halyq kóp shoǵyrlanǵan jerlerge baratyn qala turǵyndaryn sanıtarlyq normalardy qatań saqtaýǵa shaqyrady.
Jańa jyl qarsańynda elorda turǵyndary úshin beıne quttyqtaýlar uıymdastyrylady. Rolıkterge tanymal adamdar, qazaqstandyq estrada juldyzdary, akterler jáne t.b. qatysady.
Esterińizge sala keteıik, jaqynda Nur-Sultanda alty metrlik toqylǵan shyrsha paıda bolady. Qazir munda elimizdiń túkpir-túkpirinen kelgen sheberler jumys jasaýda.