Búgin qala ákimi Murat Áıtenov solardyń ishinde tórt balanyń otbasylaryna arnaıy baryp, Memleket basshysynyń atynan kelgen quttyqtaý hatyn oqyp, syılyqtaryn tabystady.
- Kele jatqan Jańa jylyń qutty bolsyn! Bul mereke saǵan kóp jaqsylyq ákelsin! Bilim jolyndaǵy talabyńa nur jaýsyn! Qańatyń talmasyn! Seniń elin súıetin ultjandy ári sanaly azamat bolyp ósýińe tilektespin. Arman-muratyna jete ber!, - dep aıtylǵan quttyqtaý hatta.
Ertegiler álemine enetin ǵajaıyp kitaptar men syı-syıapattarǵa ıe bolǵan shymkenttik kishkentaı turǵyndar Prezıdentimiz Qasym-Jomart Toqaevqa júrekjardy alǵystary men tilekterin jetkizdi.
Prezıdent syılyǵyn alǵan balalardy árbir mektep janynan qurylǵan qamqorshylyq keńesi sheshti. Ol keńeske ata-analar, depýtattar men kásipkerler kiredi. Keńes músheleri jetim balalar, ata-anasynyń qamqorlyǵynsyz qalǵan balalar, az qamtylǵan jáne kóp balaly otbasylardan shyqqan 200 oqýshyny iriktep alyndy. Iriktelgen tizim bilim basqarmasy janynan arnaıy qurylǵan komıssııanyń qaraýynan ótti. Kommıssııa quramyna «Adaldyq alańy» ókilderi, qoǵam belsendileri jáne blogerler endi. Budan bólek, tizimdi jasaqtaý otyrysyna qoǵamda belsendilik tanytyp júrgen kópbalaly analar baqylaýshy retinde qatysty.
Syılyq úlestirýde ómirlik qıyn jaǵdaıǵa túsken otbasynyń balalary, múgedekter jáne ata-ana qamqorlyǵysyz qalǵan búldirshinderge basymdyq berildi.
Qalǵan 196 balaǵa syılyqtary pochta arqyly tabystaldy.Merekelik shara epıdemıologııalyq-sanıtarlyq talaptar eskerile otyryp uıymdastyryldy.