Elordadaǵy eskirgen nemese apattyq jaǵdaıdaǵy úıdiń turǵyndaryna burynǵy baspanasynyń aýdanyna sáıkes páter beriledi, dep habarlaıdy Egemen.kz
Nur-Sultan qalasynyń turǵyn úı jáne turǵyn úı ınspeksııasy basqarmasynyń mamandary redaksııa joldaǵan saýalǵa osylaı dep jaýap berdi.
«Jobanyń sharttaryna sáıkes, apatty úılerdiń menshik ıelerine buzylatyn turǵyn úıdiń bólmeleriniń sanyna jáne otbasy músheleriniń sanyna (biraq bir bólmeli páterden kem emes) baılanystyrmaı, buzylatyn apattyq turǵyn úıdiń ornyna aýdany boıynsha teń mólsherdegi jańa páterler beriledi», deıdi elorda ákimdiginiń ókili.
Basqarma mamandary súrilgen nysan turǵyn úı bolmasa onyń shyǵyny aqshalaı da qaıtarylýy múmkin eskertedi.
«Turǵyn emes úı-jaılardyń menshik ıelerine menshik ıesiniń qalaýy boıynsha múliktiń naryqtyq quny boıynsha aqshalaı ótemaqy nemese aýdany boıynsha kólemi birdeı turǵyn emes úı-jaılar beriledi», delingen vedomstvonyń bergen jaýabynda.