Memleket basshysynyń ókimimen Marǵulan Baqytuly Baımuhan Syrtqy ister mınıstriniń orynbasary laýazymynan bosatyldy, dep habarlaıdy Egemen.kz Aqordanyń baspasóz qyzmetine silteme jasap.
Marǵulan Baqytuly Baımuhan 1974 jylǵy 6 qyrkúıekte Almaty oblysynda týǵan.
Polshadaǵy Krakov Ekonomıkalyq Ýnıversıtetin támamdaǵan, syrtqy saýda mamandyǵy boıynsha magıstri (1997), halyqaralyq marketıng jáne menedjment mamandyǵy boıynsha magıstri (1998), PhD ǵylymı dárejesine kandıdat – ekonomıka salasyndaǵy fılosofııa doktory (2011), Ulybrıtanııanyń Hertfordshır Ýnıversıteti MscIM – Halyqaralyq basqarý (menedjment) magıstri (2016), Kanadanyń Vankýver Ýnıversıteti MVA – Iskerlik ákimshilik magıstri (2015).
QR Prezıdenti janyndaǵy memlekettik basqarý Akademııasynyń (2005) jáne QR SIM Dıplomatııalyq Akademııasynyń (2006) kýrstaryn, Polıak halyqaralyq qatynastar Instıtýty Dıplomatııalyq Akademııasynyń bir jyldyq baǵdarlamasy (2010) bitirgen.
1996-1997 jj. - «Daewoo Electronics» kompanııasyndaǵy marketıng jáne kommersııa máseleleri jónindegi menedjeri.
1997-1999 jj. - Polshada «River System Ltd.» kompanııasynyń eksport bóliminiń mamany, keńesshisi, aımaqtyq dırektory (Ońtústik Kavkaz jáne Ortalyq Azııa elderi).
1999-2001 jj. - Qazaqstan Respýblıkasynyń Syrtqy ister mınıstrligi Halyqaralyq ekonomıkalyq yntymaqtastyq departamentiniń attashesi, úshinshi hatshysy.
2001-2005 jj. - Qazaqstan Respýblıkasynyń Polsha Respýblıkasyndaǵy Elshiliginiń attashe-konsýly, úshinshi jáne ekinshi hatshysy.
2005-2007 jj. - Qazaqstan Respýblıkasynyń Syrtqy ister mınıstrligi TMD isteri departamentiniń Halyqaralyq uıymdar bóliminiń, Áskerı-saıası yntymaqtastyq bóliminiń keńesshisi, basshysy.
2007-2013 jj. - Qazaqstan Respýblıkasynyń Polsha Respýblıkasyndaǵy Elshiliginiń Keńesshisi, Keńesshi-ýákili.
2013-2015 jj. - Qazaqstan Respýblıkasynyń Syrtqy ister mınıstrligi Syrtqy saıası taldaý jáne boljaý komıteti tóraǵasynyń orynbasary.
2015-2019 jj. - Qazaqstan Respýblıkasynyń Polsha Respýblıkasyndaǵy Tótenshe jáne О́kiletti Elshisi.
2019 jylǵy jeltoqsannan bastap - Qazaqstan Syrtqy ister mınıstriniń orynbasary qyzmetin atqardy.
II synypty Tótenshe jáne О́kiletti Ýákil dıplomatııalyq dárejesine ıe.