Prezıdent Strategııalyq josparlaý jáne reformalar agenttiginiń tóraǵasy Qaırat Kelimbetovti qabyldady, dep habarlaıdy Egemen.kz Aqordanyń baspasóz qyzmetine silteme jasap.
Kezdesý barysynda 21 sáýir kúni ótetin Reformalar jónindegi joǵarǵy keńestiń besinshi otyrysynyń kún tártibindegi máseleler talqylandy.
Atap aıtqanda, ulttyq jobalardy, onyń ishinde, sıfrlandyrý jáne agroónerkásip keshenin damytý salalaryndaǵy baǵdarlamalardy ázirleý tásilderi qaraldy. Memleket basshysyna Áleýmettik kodekske jáne «jańadan» retteý tetikterine qatysty usynystar týraly aqparat berildi.
Kezdesý sońynda Qasym-Jomart Toqaev Qaırat Kelimbetovke ulttyq jobalardyń tizimin jáne olardy qarastyrý tártibin pysyqtaýǵa qatysty birqatar tapsyrma berdi.