Almatyda turǵyn úı kesheniniń kúzetshisi ańshylyqqa arnalǵan myltyqtan jaraqat aldy, dep habarlaıdy Egemen.kz.
Polısııa departamentiniń málimetinshe, kúzetshi men belgisiz er adamnyń arasynda týyndaǵan janjal saldarynan kúzetshiniń aıaǵy ańshylyq myltyqtan jaralanǵan. Ol aýrýhanaǵa jetkizildi.
Qazirgi ýaqytta Almaty polısııasy «Buqar Jyraý Taýers» turǵyn úı keshenindegi atqyshpen kelissóz júrgizýge tyrysyp jatyr. Alaıda qarýly azamat kelissózden bas tartýda.
Qaýipsizdikti qamtamasyz etý maqsatynda atalǵan úıdiń turǵyndary evakýasııalandy.
«Polısııa azamattardy tynyshtyqqa shaqyrady. Jábirlenýshi reanımasııada, onyń ómirine qaýip joq», dep habarlaıdy qalalyq polısııa departamentiniń baspasóz qyzmeti.
Aıta keteıik, qylmyskerdi ustaý jáne zalalsyzdandyrý boıynsha arnaıy operasııa jalǵasyp jatyr.