Elorda ákimdigi bokstan jastar arasynda álem chempıony atanǵan Sanjar Táshkenbaıǵa oqý grantyn bóledi. Bul týraly Nur-Sultan qalasynyń ákimi Altaı Kólginov Instagram paraqshasynda jazdy, dep habarlaıdy Egemen.kz.
«Polshada bokstan jastar arasyndaǵy ótken álem chempıonatynda elorda turǵyny Sanjar Tashkenbaı birinshi orynǵa ıe boldy. Sanjar 11-synypta oqıdy, mektepten keıin ómirin tolyqtaı sportqa arnaýdy sheshti. Sanjarǵa joǵary oqý ornynda oqýǵa grant bólemiz, aqshalaı syıaqy tabystadyq. Sonymen qatar jastar arasyndaǵy bokstan álem chempıony aı saıyn 170 myń teńge kóleminde materıaldyq kómek alady. Jattyqtyrýshynyń eńbegin de atap óttik», dep jazdy ákim.