Búgin aldaǵy Qazaqstan halqynyń birligi kúnine oraı Qazaqstan dinı birlestikteriniń ókilderi jınalysynyń otyrysy ótti, dep habarlaıdy Egemen.kz.
QR AQDM Din isteri komıtetiniń uıymdastyrýymen ótken is-shara aıasynda din qaıratkerleri Nur-Sultanda Prezıdent saıabaǵynyń aýmaǵyndaǵy Konfessııaaralyq kelisim alleıasynda aǵash otyrǵyzý aksııasyna qatysty. Otyrysqa jáne ekoaksııaǵa Qazaqstan musylmandary dinı basqarmasynyń, ıýdaızm, pravoslav, katolık, lıýterandyq, baptıstik, presvıterıandyq, elýinshiler men Novoapostoldyq shirkeýleriniń jáne basqa da dinı birlestikterdiń ókilderi qatysty.
Qatysýshylar Elbasy Nursultan Nazarbaevtyń etnosaralyq jáne konfessııaaralyq kelisimniń qazaqstandyq modelin qalyptastyrýdaǵy tarıhı rólin atap ótti.
Din isteri komıtetiniń tóraǵasy Erjan Núkejanov pen Nur-Sultan qalasy ákiminiń orynbasary Baqtııar Máken quttyqtaý sóz sóıledi.
«Elimizdiń etnostyq jáne dinı áralýandylyq memleket pen qoǵamnyń da kópvektorly damýynyń negizgi qaınar kózderiniń biri », dep atap ótti Erjan Núkejanov.
Sonymen qatar ol, bul is-shara konfessııalardyń Qazaqstan Táýelsizdiginiń 30 jyldyǵyn merekeleý aıasynda Memleket Basshysy Qasym-Jomart Toqaevtyń bastamasymen engizilgen «Jasyl Qazaqstan» jobasyn qoldaıtynyn kórsetetindigin jetkizdi.
Eske sala ketsek, atalmysh aksııa 2017 jyldan bastap jyl saıyn dástúrli túrde ótip keledi.