2021 jyldyń sáýir-mamyr aılarynda 7 motosıkl júrgizýshisi mas kúıinde kólik basqarǵany úshin júrgizýshi kýáliginen aıyryldy, dep habarlaıdy Egemen.kz Ravlodarnews.kz saıtyna silteme jasap.
Oblystyq polısııa departamenti baspasóz qyzmetiniń málimetinshe, kún jylyna salysymen qala ishinde motosıkl júrgizetinderdiń sany kóbeıgen. Motosıkl oqys oqıǵa kezinde jaraqat alý qaýipi joǵary kólikterdiń qataryna jatady. Saǵatyna 10-20 km jyldamdyqpen kele jatyp qulaǵannyń ózinde júrgizýshi qatty zardap shegýi múmkin.
- Máselen, Pavlodar qalasynda patrýldik polısııa batalonynyń ınspektorlary patrýldeý kezinde motosıkl júrgizýshisi ustaldy. Saraptama nátıjeleri onyń kólikti mas kúıinde basqarǵanyn kórsetti. Atalǵan faktige qatysty Qazaqstan Respýblıkasy ÁQBtK 608-baby boıynsha ákimshilik hattama toltyryldy. Tártip buzýshy 7 jyl merzimge júrgizýshi kýáliginen aıyryldy, sondaı-aq 15 táýlikke ákimshilik qamaýǵa alyndy, - dedi polısııa departamenti bastyǵynyń birinshi orynbasary Jasqaırat Qaıyrov.