Búgin Úkimet otyrysynda Densaýlyq saqtaý mınıstri Alekseı Soı «Ashyq» júıesiniń kómegimen «qyzyl» jáne «sary» mártebemen 3 256 adam anyqtalǵanyn aıtty, dep habarlaıdy Egemen.kz.
«18 qańtardan bastap kásipkerlik nysandarynyń qyzmeti men epıdemıologııalyq ahýal arasyndaǵy teńgerimdi saqtaý maqsatynda «Ashyq» jobasy ilki rejımde iske qosylyp, 26 sáýirden beri búkil el aýmaǵyna taratyldy. Búginde «Ashyq» júıesi qyzmettiń barlyq salasynda shamamen 6 myń nysandy qamtıdy jáne 1 mln 400 myń qoldanýshy tirkelgen. Júıe iske qosylǵan sátten bastap «qyzyl» jáne «sary» mártebemen 3 256 kelýshi anyqtaldy. Olardyń ishinde PTR-diń oń nátıjesimen 1 867 naýqas jáne 1 389 baılanysta bolǵan adam bar», dedi mınıstr.
Sonymen qatar ol «Ashyq» júıesi 12 mamyrdan bastap Nur-Sultan qalasynyń áýejaıynda iske qosylǵandyǵyn, al 21 mamyrdan Almaty áýejaıynda qoldanylatyndyǵyn atap ótti.
Mınıstrdiń aıtýynsha, elorda áýejaıynda júıeniń kómegimen PTR-diń oń nátıjesi bar 37 naýqas jáne baılanysta bolǵan 37 adam anyqtalǵan.