«Bıznestiń jol kartasy 2025» baǵdarlamasy aıasynda kásipkerlerdiń 666 jobasy nesıelendirildi, dep habarlaıdy Egemen.kz.
Nesıe portfeli ótken jylmen salystyrǵanda 6 esege ulǵaıǵan. Bul týraly óńirlik kommýnıkasııalar qyzmetinde oblystyq kásipkerlik jáne týrızm basqarmasynyń basshysy Ferdoýsı Qojabergenov málimdedi.
- Aımaqta 528 joba ekinshi deńgeıli bankterdiń "skorıng" baǵdarlamasy arqyly maquldandy. Qarjylandyrylǵan jobalardyń basym bóligi pandemııa shekteýlerinen qıyndyq shekken bólshek saýda, jolaýshylar tasymaly, qoǵamdyq tamaqtaný jáne shaǵyn qyzmet salasynda jumys jasaıtynkásipkerlik sýbektileriniń úlesine tıip otyr. Sondaı-aq, ótken aptada baqylaý keńesiniń otyrysynda aýyldyq eldi meken kásipkerleriniń 143 jobasy maquldandy, - dedi Ferdoýsı Ábilqasymuly.
Bıyl oblystyq bıýdjetten shamamen 30 jobany qaıtarymsyz grant arqyly qarjylandyrý josparlanýda. Budan ózge, qarjy uıymdary arqyly jyl basynan beri 41 adam shaǵyn nesıemenqamtamasyz etildi. Aıta ketý qajet, óńirde sońǵy bes jyldyqta shaǵyn jáne orta bıznes ónimi 13,5 %-dan 17,8 %-ǵa deıin ulǵaıǵan.