Almatyda qara topyraqty zańsyz alý faktileri anyqtaldy, dep habarlaıdy Egemen.kz.
Túrksib aýdandyq polısııa basqarmasyna qarasty mamandandyrylǵan ekologııalyq polısııasy, jedel ýákiletti organdarmen birlesip qorshaǵan ortany qorǵaý boıynsha aldyn alý sharalary barysynda jerdiń qunarly topyraq qabatyn zańsyz alý faktilerin anyqtady.
Polısııanyń málimetinshe, belgisiz adamdar qunarly topyraq qabatyn zańsyz alý boıynsha belsendi jumys júrgizgen.
«Túrksib aýdanynyń aýmaǵynda olar qara topyraqty, grýntty jáne ballasty ruqsatsyz alý jumystaryn júrgizgen. Jerdiń zańsyz qazylǵan topyraǵy negizinen qurylys jumystaryna shıkizat retinde qoldanylady. Bul fakt boıynsha qalany abattandyrý erejesin jáne ınfraqurylym nysandaryn buzǵany úshin, jasyl alqaptardy qıratqany jáne búldirgeni úshin QR ÁQbK-niń 505-baby, QR ÁQbK-niń 386-babyna sáıkes is-sharalar qabyldandy. Qazirgi ýaqytta atalǵan zań buzýshylyqtarǵa qatysy bar adamdardy anyqtaý boıynsha qajetti sharalar qabyldanýda», dedi Túrksib aýdandyq polısııa basqarmasynyń bastyǵy Erkin Amantaev.
Sonymen qatar, osyndaı faktiler qalanyń Alataý, Bostandyq, Jetisý jáne Medeý aýdandarynda anyqtalǵanyn jetkizdi.
Kináliler QR-nyń zańnamasyna sáıkes jazalandy.