Túrkistan oblysynyń polıseıleri ıisshil ıttiń kómegimen shekaradan marıhýana alyp ótpek bolǵan jigitti ustady, dep habarlaıdy Egemen.kz.
Saryaǵash aýdandyq polısııa bólimine UQK Shekara qyzmeti Saryaǵash aýdandyq basqarmasynyń «Qaplanbek» shekara baqylaý beketinen habarlama túsken.
Túngi saǵat 23:00 shamasynda «Rotar» atty ıisshil ıt Qazaqstannan О́zbekstan Respýblıkasyna jaıaý ótip bara jatqan júrginshige úrip, belgi bergen.
Tekserý barysynda onyń qaltasynan esirtkige uqsas zat tabylyp, aıǵaq retinde polıseıler saraptamaǵa jibergen. Nátıjesinde 3 gr-ǵa jýyq «marıhýana» ekeni belgili boldy.
Osy oqıǵa boıynsha tártip saqshylary QR QK 286-baby boıynsha qylmystyq is qozǵady. Kúdikti azamat Shymkent qalasynyń turǵyny ekeni anyqtaldy.
Qazirgi tańda kúdiktige qatysty sotqa deıingi tergep-tekserý amaldary júrgizilýde.