Qazaqstannyń Aýstrııadaǵy Elshiliginde uly qazaq aqynynyń esimi men murasyn nasıhattaýǵa eleýli úles qosqan qoǵam qaıratkerlerine TÚRKSOI-dyń «Abaı 175 jyl» atty estelik medaldary tabys etildi. Bul týraly SIM baspasóz qyzmeti habarlady.
Atalǵan marapatqa EQYU Parlamenttik assambleıasynyń burynǵy tóraıymy Krıstın Mýttonen, sondaı-aq «Qazaqstan dostary klýbynyń» múshesi Rýdolf Lobmaıer ıe boldy.
Olar Abaı murasyn nasıhattaýǵa óz qyzmetterin joǵary baǵalaǵany úshin rızashylyq bildirip, eki el arasyndaǵy yntymaqtastyqty nyǵaıtýǵa odan ári yqpal etýge daıyn ekendikterin rastady.
Aıta keteıik, 2019 jyldyń tamyzynda Qazaqstannyń Aýstrııadaǵy Elshiliginiń qoldaýymen Ortalyq jáne Shyǵys Qazaqstannyń kıeli jerlerine «Silk Way Expedition Through The Great Steppe 2019» jobasy aıasynda ekspedısııa uıymdastyryldy. Oǵan K. Mýttonen de qatysty. Sapar barysynda qatysýshylar Abaıdyń týǵan jerine baryp, onda EQYU PA-nyń burynǵy tóraıymy aqynnyń «Jaz» óleńin nemis tilinde oqydy.