Pavlodar oblysynda polıseıdi óz-ózine qol jumsaýǵa ıtermelegen aýdandyq prokýror men onyń orynbasary qyzmetinen ketti, dep habarlady Egemen.kz.
Qoǵamda qyzý talqyǵa túsken bul is oblystyq prokýratýradan sybaılas jemqorlyqqa qarsy kúres qyzmetine jiberilgen edi.
Oqıǵa týra bir aı buryn Pavlodar oblysynyń Jelezınka aýdanynda bolǵan. Aǵa tergeýshi prokýratýra ǵımaratynyń dálizinde tabeldik qarýdan óziniń oń jaq ıyǵyna oq atqan. Buǵan polısııa qyzmetkeriniń jumysyn baqylaýshy organnyń qatań synǵa alýy sebep bolǵan. Sýısıd jasaýǵa áreket etken polıseı aman qaldy. Al prokýrorlardyń jumys ornynda spırttik ishimdik ishkeni týraly derek rastalmaǵan.
Tergeý amaldary jalǵasyp jatyr.