35 jastaǵy júrgizýshi kámeletke tolmaǵan balany qaǵyp ketti. Zardap shegýshi aýrýhanaǵa jetkizildi, dep habarlaıdy Egemen.kz.
«6 shildede saǵat 13.30-da Pavlodar qalasyndaǵy Mının kóshesindegi 145-úıge qarama-qarsy «VAZ 21053» avtokóliginiń 35 jastaǵy júrgizýshisi kámeletke tolmaǵan balany qaǵyp ketti. Bala rettelmeıtin jaıaý júrginshiler ótkeli boıynsha joldy kesip ótpek bolǵan. Jol-kólik oqıǵasy saldarynan jaıaý júrginshi jaraqat alyp aýrýhanaǵa jetkizildi», dedi Pavlodar oblystyq polısııa departamenti bastyǵynyń birinshi orynbasary Jasqaırat Qaıyrov.
Polısııa departamenti bul oqıǵa boıynsha tekserý júrgizilip jatqanyn atap ótti. Kólik arnaıy aıyp turaǵyna qoıyldy.