Oblystyq tótenshe jaǵdaılar departamenti baspasóz qyzmetiniń aqparatyna qaraǵanda, 10 shildede saǵat 18:05 shamasynda 65 jastaǵy zeınetker Jaıyq ózenine shomylýǵa baryp, batyp kete jazdaǵan, dep habarlaıdy Egemen.kz.
«Departamenttiń jedel qutqarý jasaǵynyń qutqarýshylary Arman Baqytjanuly, Qýandyq Qartańbaev jáne Ernar Ánýarbekov kezekti reıd kezinde Jaıyq ózenine sýǵa batyp bara jatqan adamdy qutqaryp qaldy. Keıin anyqtalǵandaı, 65 jastaǵy azamat mas kúıinde ózenniń arnaıy jabdyqtamaǵan jerine sýǵa túsken. Tipti ózendi kesip ótpek bolǵan. Alaıda, ózenniń ortasyna deıin júzip, jaǵalaýyna jete almaı, bata bastaǵan. Sol kezde aıǵaılap, kómek shaqyrǵan», dep habarlady departamenttiń baspasóz qyzmeti.