Túrkistan polıseıleri jaǵalaýda joǵalǵan 6 jasar balany tapty, dep habarlaıdy Egemen.kz.
Shardara polısııasyna Jetisaı aýdanynyń turǵyny qońyraý shalyp, Shardara sý qoımasynyń «Altyn jaǵajaı» atty turǵyndardyń demalys ornyna arnalǵan jaǵalaýynda júrgen 6 jasar balasynyń joǵalǵanyn aıtyp, kómek surady.
Polıseıler habar alysymen jedel áreketke kóshti. Shardara aýdanynyń ýchaskelik polısııa ınspektory polısııa kapıtany Baqytjan Nurtazaev joǵalǵan balany tabý úshin barlyq izdestirý jumysyn júrgizdi.
Ýchaskelik polıseıge basqa da áriptesteri kómekke keldi. Olar balanyń sý jaǵalaýynda joǵalǵanyn eskerip, ýaqyt ótkizbesten jaǵalaýdyń mańyn tintı bastaıdy.
Nátıjesinde ýchaskelik polısııa ınspektory B.Nurtazaev 6 jasar búldirshindi Jetisaı aýdanyna shyǵatyn joldyń boıynan tabapqan.
Bala oınap júrip anasynan ajyrap qalǵan. Sodan bala adasyp jaǵalaýdan 7 shaqyrym jerge deıin alystap ketken.
Qazirgi tańda bala ata-anasyna aman esen qaıtaryldy. Balasymen qaýyshqan ata-ana tártip saqshylaryna alǵysyn jetkizdi.